Mrembo adai kuambukiza Ukimwi wanaume 1500

Simulizi yake ni hii;

Nilizaliwa mkoa wa Dodoma na nilishi vizuri tu tangu utotoni na hata sikujihusisha na ngono hadi nilipomaliza form 4 mwaka 2006 baada ya kumaliza nilikuja hapa Dar kuishi kwa mama mdogo aliyeolewa hapa Mwenge.

Nilipata marafiki wengi tu na kuna kijana mmoja alinitongoza kwa muda mrefu sana na siunajua vijana wengi hutumia muda mrefu kutongoza ili msichana unadhani kwamba labda huyo anakupenda kumbe anataka tu ngono na wadada wengi sana hudhani kufuatiliwa kwa muda mrefu na mvulana basi huyo yuko serious kumbe hakuna lolote.

Nilimkubalia tukawa wapenzi ila nilikataa kuhusu kufanya mapenzi maana anayekupenda kiukweli sio uongo lazima asitake ngono kabla ya ndoa.

Kwa miezi kama 5 hadi 6 aliniambia kuhusu kufanya mapenzi nilikataa alitumia mbinu nyingi sana kwa kunibembeleza na hata kulia mbele yangu ili tufanye tu mara moja ila nilikataa, alisema atavumilia hadi siku ya ndoa yetu ambapo tulipanga kuoana mwaka sept 2009.

Siku moja aliniambia twende kwenye kumbi za starehe na mimi kwa sababu ya upagani na kumwamini pia kwa sababu nampenda nilikubali tulienda huko na kulikua na bendi fulani maarufu ya mziki wa dansi ilikua inatumbuiza.

Tulitafuta sehemu na kukaa na mpenzi wangu akaagiza pombe alianza kunywa huku akinionjesha, nilikataa kwa sababu nilikua sijawahi kunywa pombe katika maisha yangu yote, hata sijui alinishawishi vipi nilijikuta nakunywa kidogo kidogo na kwa kuwa tulikaa pale kwa muda zaidi ya masaa 5 nadhani nikunywa kama bia 3 au 4 japokua nilikua nakunywa kidogo kidogo tu tena kwa kunywesha na mpenzi wangu maana nikama nikua nanyweshwa kila baada kama ya dakika 25 ndipo nakunywa mara moja na sikujuia kama nakunywa pombe ila niliihisi tu naonja ili kumlizisha mpenzi wangu.

Ilipofika saa 10 alfajiri nilihisi usingizi na pia nilijiona wa tofauti najua nililewa hata kama sikujua kama nimelewa maana nakumbuka tulitoka pale huku amenishika mkono huyo mpenzi wangu. Tulikodo tax na kuondoka na siku hiyo aliniambia twende kwake alikokua amepanga chumba maana tulikua na usingizi sana nilikubali huku nikidhani hatuwezi kufanya mapenzi.

Tulifika salama na kuingia ndani ukweli pombe ni kichocheo cha ngono na ningekua mimi ndio Raisi wa Tanzania ningefunga bar zote. Nilijikuta natamani kufanya mapenzi na huyu mpenzi wangu hata alikua hana nia maana alijua atanichukiza sana na uhusiano ungekufa siku hiyo lakini kwa sababu ya pombe nilimwambia siku hiyo tufanye kidogo maana mwili wangu unataka.

Ni kweli siku hiyo kwa sababu ya pombe nilifanya mapenzi na huyo mpenzi wangu na baadae akanipeleka nyumbani baada ya wiki mbili maana tulikaa wiki mbili bila kuonana alikuja na kunieleza habari ambayo sikuihitaji katika maisha yangu maana nilikua nasikia tu kwa watu wengine lakini sio kwangu alisema ”JANE ISHI KWA MATUMAINI KUANZIA SASA”

Nilidhani utani lakini aliniambia kuwa yeye ana UKIMWI tangu miaka mitano iliyopita na anapenda tu ngono maana hawezi kuacha.

Nililia sana na baada ya wiki moja baadae nikaenda kupima na kukutwa nina ugojwa ambao niliusikia tu kwa watu na chanzo cha yote ni pombe, kupenda starehe,disko na upagani unaotusumbua wanadamu wengi.

Nilikua na UKIMWI na kwa hasira maana mpenzi wangu alihamia Arusha huku akisema neno moja la mwisho kwamba ”shetani amemtuma kuwaambukiza wanadamu UKIMWI”

Sikujua, sikujua, sikujua, sikujuaaaaaaaaa, basi tu ooh YESU nihurumie mimi leo.Nilibebeshwa mzigo ambao haukunistahili mimi. Hata leo hua najiuliza kwamba nilijitunza kwa miaka 23 yote lakini pombe na huyu wakala wa shetani wamenifanyia hivi. Baada ya kujua nina UKIMWI na hali hiyo nikaikubali na kulikua na kundi kubwa sana la wanaume ambao walikua wamewahi kunitongoja na niliwakataa sana kwa sababu hii niliwakubali ili nami nife na wengi.

Nilianza kumkubali kila mmoja na kuna baba mmoja ambaye ana wake 3 niliwahi kumtukana sana kipindi cha nyuma kila aliponitongoza lakini wakati huu nilimkubali na hakuamini na tukafanya ngono tena bila kinga na akaniaachia pesa laki 6 kama zawadi ya kumkubali kumbe naye hakujua kuwa namwambukiza na hata leo hua nawahurumia tu wale wake zake ambao wana UKIMWI uliotoka kwangu.

Kiukweli tangu may 2009 hadi 2012 nimeshatembea na wanaume zaidi 1500 maana ilifika kipindi nala na wanaume 3 kwa siku na lengo langu niwakomeshe kama mimi nilivyokomeshwa na nina uhakika kutokana na mimi wameambukizwa UKIMWI wanadamu zaidi ya 10,000 na hili tangazo la ”TUKO WANGAPI” huwa linaniliza kila siku maana hata mimi najua kabisa nilianzisha mtandao kama huo wa ngono kwa idadi kubwa sana ya watu.

Nimeokoka miezi 7 iliyopita na siku naombewa nilikutwa na mapepo mengi sana na hata waombeaji wakashangaa. Ningejua ningeokoka tangu nikiwa na miaka 5 lakini ndio hivyo sina jinsi wala uwezo wa kubadirisha hali hiyo.

Na naomba kila atakayesoma ujumbe huu ajue kuanzia leo kuwa pombe ni dhambi pia kwenda disko ni dhambi,kuuza pombe ni dhambi na kila kichochoe chochote cha dhambi ni dhambi. Hadi sasa mtu yeyote hawezi kujua kama nina UKIMWI na sijui MUNGU ana mpango gani na mimi maana kwake yote yanawezekana. Nauamini uponyaji wake na sijawahi kutumia ARV hata siku moja na afya yangu iko sawa tu na huwezi hata wewe kujua kama uovu huu nimefanya mimi.

Ndugu zangu kama una UKIMWI nenda kanisani ukaombewe na kama una akili mpe YESU maisha yako maana pia baada ya kifo ni hukumu. Yasalimishe maisha yako kwa YESU na usiambukize wengine tena.

Mimi tangu niokoke sijawahi kufanya mapenzi tena na sitafanya hivyo wala sitaolewa na mtu yeyote maana yatosha kwa uovu niliofanya na hadi sasa wapo ninaowajua zaidi ya 15 wameshafariki na nilihudhulia misibani huku nikijua kabisa chanzo ni mimi.

Mwisho nawashauli wababa kulidhika na wake zao na wamama pia lidhikeni na waume zenu, vijana ambao hamjaoa wala kuolewa subiri hadi utakapooa au kuolewa na kabla ya kuolewa au kuoa kapimeni kwanza kwani wenye UKIMWI ni wengi kuliko unavyozani.

Fuata unachofundishwa kanisani na pia soma BIBLIA na uwe mtakatifu.

MUNGU akubariki

Ni mimi Jane,
Mwenge, Dar es salaam
Tanzania

Kaka amfundisha dada yake ‘kitchen party’ kitandani

Katika siku za mwanzo tu uhusiano wao, Martha alimpa utambulisho boyfriend wake Jacob: “Sweetheart, huyu ni rafiki yangu anaitwa Roy, ni mshkaji wangu wa karibu, mimi na yeye ni kama kaka na dada, siri yangu yake, yake yangu. Baadaye ukiniona naye usije kunionea wivu.”

Jacob aliitikia kisha maisha yakaendelea. Penzi likakua, Jacob alimvalisha Martha pete ya uchumba baada ya utambulisho kwa wazazi kufanyika na kukubalika. Taratibu za ndoa zikashika kasi lakini kuelekea kuoana, kuna jambo la kushangaza likajionesha.

Siku moja asubuhi, Jacob alifika nyumbani kwa Martha kwa ajili ya kumpelekea matumizi. Alikukuta mlango wa sebuleni upo wazi, akaingia na kupitiliza kabisa chumbani. Akastaajabu kumkuta Roy amelala, amejiachia kitandani.

Jacob akasalimia: “Kaka mambo vipi?”

Roy akajibu: “Safi kabisa bro.” Namna Roy alivyojibu, alionesha kujiamini kupita kiasi. Mara, Martha naye akatokea choo cha chumbani akiwa amejifunga kanga moja tu!

“Waooo baby umenisapraiz leo asubuhiasubuhi,” Martha alisema.

Jacob akamtoa Martha sebuleni ili wazungumze. Ile wanaketi tu, Martha akalianzisha: “Baby usishangae kumkuta Roy hapa, aligombana na mkewe, kwa hiyo ikabidi aje alale hapa.”

“Kwa nini aje alale hapa tena kitandani kwako kabisa?” Jacob aliuliza.

“Ndiyo sweetheart, si unajua Roy anavyonipenda na kunizoea mimi dada yake? Ikabidi aje alale hapa, vinginevyo labda angekwenda kulala hotelini, sasa gharama za nini?” Martha alijibu kwa mtindo wa kuhoji.

“Ukaingia chooni kuoga, ukatoka na kanga moja mbele ya Roy, eti kaka yako. Unawezaje kunishawishi nikuamini kuwa wewe na yeye siyo wapenzi?” Jacob aliuliza.

Martha alijitetea, Jacob akamwambia amemwelewa. Alimkabidhi fedha za matumizi kisha akaaga kuondoka. Martha alimsindikiza, akahakikisha Jacob anaingia kwenye gari na kuanza kuondoka ndipo naye akaingia ndani.

Jacob hakufika mbali, alipoangalia kwenye vioo (side mirrors) na kumuona Martha anarudi ndani, aligeuza gari. Alipofika alipaki na kuanza kutembea kwa kunyata. Mlango wa sebuleni alikuta upo wazi, akapitiliza mpaka mlango wa chumbani.

Pale kwenye mlango wa chumbani, akasikia sauti ya Roy ikiuliza: “Vipi jamaa yako ameondoka?”

Martha akajibu: “Bwege yule ameshaondoka, ila kaniuliza maswali magumu? Inaonekana ameshaanza kutushtukia.”

Jacob aliposukuma mlango, aliwakuta Martha na Roy wamelaliana. Walipomwona walishtuka sana, mwenyewe akawaambia: “Endeleeni starehe zenu, mimi bwege nilikuwa napita tu!” Baada ya hapo akaondoka zake.

Kuanzia siku hiyo, Jacob alipokea SMS mfululizo kutoka kwa Martha na Roy wakimwomba msamaha kwa waliyomtendea lakini hakujibu hata moja. Walipiga simu lakini hakupokea. Upande wa pili, Martha alimtupia lawama Roy: “Ona umeniharibia ndoa, nitafanya nini mimi na wewe una mke wako?”

Baada ya wiki tatu, Jacob aliwaita Roy na Martha nyumbani kwake ili waende wakazungumze na kuyamaliza. Walienda haraka sana. Walipofika sebuleni, Jacob aliwaambia waende mpaka chumbani. Haikuwa shida, Martha anakijua chumba, kwa hiyo wakaingia.

Mbona ilikuwa sinema? Jacob alikuwa amelala akiwa amemkumbatia mwanamke mrembo anayeitwa Rosemina. Huyo Rosemina ni mke wa Roy. Palepale Roy na Martha waliteleza na kujikuta wamekaa chini kwa mshtuko. Picha ilikuwa wazi kuwa Jacob na Rosemina ni wapenzi, maana hata pale kitandani hawakuwa na nguo iliyowasitiri.

Jacob akafunguka: “Nyie si mlisema mimi ni bwege, sasa nimeamua kuwaonesha ubwege wangu, kuanzia sasa ninyi nendeni mkaone, mimi nitamuoa Rosemina wangu hapa. Nimempata kwa urahisi kwa sababu naye alikuwa ameshachoshwa na tibia zenu, mnajifanya kaka na dada kumbe mahasidi wakubwa. Na mimi huyu ni dada yangu na hapa namfundisha ‘kitchen party’ ya kitandani.”

Wema akata tamaa ya maisha

Miss Tanzania 2006-07, Wema Isaac Sepetu, amekata tamaa ya maisha kufuatia matukio mfululizo yanayomuandama.

Wema, kupitia akaunti yake ya mtandao wa kijamii wa Instagram, aliandika kuwa anaamini atakufa na kuacha maneno mengi ya kumuongelea kwa mazuri.

Kuhusu kile ambacho Wema amekisema, soma ujumbe huo katika picha kama ulivyonakiliwa kwenye akaunti yake ya Instagrama.

Komedi bungeni; bunge nyumba ya mipasho, ubabe

Je, ni sahihi kutumia mabilioni ya shilingi kufanya uchaguzi halafu wanaochaguliwa badala ya kufanya kazi ya nchi, wanakwenda kutukanana, kuoneshana ubabe, kushabikia vyama vyao? Kuna haja ya kufanya tathmini upya.

Je, fedha zinazotumika kuendesha bunge, zinazolipa mishahara wabunge na posho, kazi yake ndiyo hii ya kupigana mipasho na kukifanya chombo hicho muhimu cha kutunga sheria, kiwe mahsusi kwa ajili ya kuoneshana ubabe na ufundi wa kuzungumza maneno machafu ya mtaani?

Utovu wa nidhamu bungeni unazidi kushamiri. Taswira ya sasa, inasherehesha ukweli kwamba bunge limepungukiwa maadili. Na kwa vile wanaounda chombo hicho ni watu, wao ndiyo watovu wa maadili. Bunge makini linajengwa na wabunge makini na kinyume chake.

Yaani, bunge la sasa na matukio ya ‘komedi’ ambayo yanaendelea ni matokeo ya kuwa na wabunge wa aina hiyo. Na hayo ndiyo mazao ambayo tuliyapanda wakati wa uchaguzi. Ni utovu wa busara kutarajia kuvuna mpunga kwenye shamba ambalo wewe mwenyewe ulipanda matembele.

Ni ukweli kuwa yapo makosa ya wapigakura katika kile walichokipanda, yaani wakati wa kampeni hawakufanya kazi nzuri ya kuchagua mbegu bora, wao waliona bora mbegu. Hili linaweza kuwa fundisho kubwa sana katika uchaguzi wowote ujao. Tutajicheka mno tukirejea kasoro hizi.

Hata hivyo, kwa namna pana kabisa, wabunge wenyewe wanajidhalilisha. Kama hawana habari, basi ukweli ni kwamba mitaani kwetu wanawapuuza kwelikweli. Picha ambayo wanawatafsiri, hawawachukulii kama wawakilishi wa kweli, bali makada wa vyama vyao, walioamua kwenda kutetea maslahi yatokanayo na sera za vyama vyao.

Je, bungeni tumewapeleka wabunge kwenda kutetea maslahi ya vyama au kujenga taifa imara lenye maendeleo? Kwa mwendo wa sasa, ni vigumu sana kuona mijadala makini ikichukua nafasi kwa sababu fujo zinatawala. Jazba na hisia za kibinadamu zinawatawala na kuvuruda weledi.

Mbunge anaposimama na kusema “Sizungumzi na mbwa, nazungumza na mwenye mbwa”, huyo anakuwa ametoka nje ya maadili. Mwingine anapotukana kabisa, inasikitisha sana. Naomba niandike kwa msisitizo kuwa aibu iwe kwake Mbunge wa Kigoma Mjini (CCM), Peter Serukamba na tusi aliloliporomosha bungeni.

Serukamba alitukana lakini ni wengi tu ambao walizungumza lugha zisizo na staha. Imekuwa aibu kiasi ambacho, kuna tamko linatolewa kwamba wazazi wanawazuia watoto wao kutazama bunge kwa sababu wanaweza kujifunza lugha zisizofaa. Sijawahi kuona aibu nzito kama hii!

Kwa tafsiri ni kwamba bunge linaonekana ni X, kwa hiyo watu wenye umri chini ya miaka 18, hawatakiwi kabisa kutazama. Sidhani kama kuna fedheha nzito kuliko hii. Hatupaswi kuacha hili liendelee. Kwa maneno na vitendo, tunapaswa kuweka wazi hisia zetu kwa namna ambavyo tunachushwa na komedi za ndani ya bunge.

Unaangalia kikao cha bunge, Televisheni ya Taifa, inakwepesha kamera na baadaye kukatisha kurusha matangazo ili vioja vya ndani ya bunge visionekane. Nashindwa kusadiki kile nilichokuwa nakiamini sana huko nyuma kwamba wabunge ni watu daraja la juu kabisa ambao sauti zao ni ukombozi wa mwananchi.

Kwa maneno ni sawa lakini hali halisi kwa sasa ni tofauti. Tangu Bunge la Bajeti la mwaka wa fedha 2013-2014 lianze, kila siku malumbano. Spika wa Bunge, Anne Makinda anakemea leo, kesho mheshimiwa mwingine anarudia madudu yaleyale yaliyokatazwa. Huu ni zaidi ya utoto.

Mbunge hajaruhusiwa kuzungumza, akiwa ameketi anapaza sauti kupinga hoja ya mwenzake anayezungumza. Bunge linageuzwa soko, mazungumzo yanafanyika bila utaratibu, kila mteja na muuzaji wake, wanaelewana kivyao. Mtu anaitwa baba, tena kiongozi wa wananchi, mwakilishi lakini anafanya mambo ambayo wanafunzi wa shule za msingi wana afadhali.

Upande wa pili, kiongozi wa vikao anapozidiwa na hisia za kibinadamu ni hatari sana. Kila siku narudia kile kipande ambacho Naibu Spika wa Bunge, Job Ndugai, aliamuru Mnadhimu wa Kambi ya Upinzani Bungeni, Tundu Lissu aondolewe nje ya ukumbi Aprili 17, mwaka huu, napata shida mno.

Pengine Lissu ni mtukutu lakini siku ile alikosea nini? Aliomba mwongozo kama kanuni zinavyomtaka. Ndugai akachukizwa na hilo, akadai anasimamasimama sana. Mbona ilikuwa rahisi tu kumzimia ‘maikrofoni’ au kumwambia akae na kuzuia mwongozo mpaka aliyekuwa anazungumza amalize?

Hisia zilitawala na kupoka hekima na weledi, ubabe ukatawala ndiyo maana wabunge wengine wa Chadema, walisimama kuwazuia askari wasimtoe Lissu nje ya ukumbi. Je, hivyo ndivyo tunapaswa kwenda? Kuna makosa makubwa ya wabunge na baadhi ya viongozi wa vikao.

Lady Jaydee: Mungu si Ruge wala Kusaga

Stadi wa Bongo Fleva, Judith Wambura ‘Lady Jaydee’ ametamka kwamba anaamini hatarudi nyuma na hatatetereka kimuziki kwa sababu anamtumaini Mungu.

Kupitia akaunti yake ya mtandao wa kijamii ya Twitter, Jaydee a.k.a Binti Komando, aliandika: ‘Mungu siyo Ruge wa Kusaga kwa hiyo naamini nitashinda.”

Kabla ya hapo, Jaydee ak.a Jide ambaye zamani alipenda ajulikane kama Binti Machozi, aliandika: “Msemo wa Mungu siyo Athumani kila mtu anaujua, ila mimi ninao mpya.”

Baada ya muda mfupi ndipo akaandika: “Msemo wangu naamini Mungu siyo Ruge wala Kusaga, kwa hiyo naamini nitashinda.”

Jide ambaye ni mmoja wa wanamuziki waasisi wa Bongo Fleva, ameamua kujiweka wazi kiharakati, akipingana na unyonyaji wambao unafanywa katika muziki na washikadau.

Jide kama ambavyo kaka zake wa Vinega walivyokuwa wanafanya katika mixtape za Anti Virus, anawashambulia wakurugenzi wa Clouds Media Group, Joseph Kusaga na Ruge Mutahaba pamoja na kituo chao cha redio cha Clouds FM.

Kweli Bi. Kidude ametutoka

Mwanamuziki mkongwe wa Taarab, Fatuma Binti Baraka Khamis,  maarufu kwa jina la  Bi Kidude amefariki dunia leo huko Bububu Zanzibar, sehemu alikokuwa anauguzwa.

Taarifa hizo, zinafuatia uvumi wa mara kwa mara kwamba Bi. Kidude hatunaye lakini nyakati zote zilikuwa uzushi ila sasa ni ukweli kwamba mkongwe huyo ametutoka.

Habari zinasema kuwa, mwili wa marehemu Bi. Kidude, utahamishiwa nyumbani kwake Rahaleo na mazishi yanatarajiwa kufanyika kesho.

Sababu ya kifo chake haijawekwa wazi lakini ukweli ni kwamba Bi. Kidude alikuwa anasumbuliwa na maradhi ya kisukari kwa muda mrefu na tangu mwaka jana, hali yake ilikuwa tete sana.

Vilevile, zipo taarifa kwamba Bi. Kidude alikuwa anasumbuliwa na maradhi ya uvimbe kwenye kongosho.

Bi Kidude alizaliwa katika kijiji cha Mfagimaringo, alikuwa binti wa mchuuzi wa nazi, hakuna anayejua haswa Bibi huyu alizaliwa tarehe ngapi, wapo wengine wanaoamini kwamba mpaka mauti yamemfika, kulikuwa na uwezekano alishafikisha zaidi ya umri wa miaka 102.

Katika mwaka 1920 tayari alikuwa amekwisha anza kuimba katika vikundi vya sanaa kule kwao, mwaka 1930 alijiunga na Egyptian Musical Club ya Dar es Salaam na kuzunguka miji mingi ya Tanzabua Bara, mwaka 1940 alirudi Zanzibar ambako awali alikuwa amekimbia kwa kuwa aliozwa kwa nguvu na mtu aliyemzidi sana umri.

Bi Kidude pia aliwahi kuimba na Sitti Binti Saadi wakati wa ujana wake  na katika maisha yake Bi Kidude amekwisha zunguka mabara yote akiimba katika majukwaa na wanamuziki maarufu ulimwenguni.

Na kuhusu kuzaa, haijawahi kuripotiwa popote kama Bi. Kidude aliwahi kuzaa.

Mungu Amlaze Pema Peponi Bibi yetu. Amen.

Niyonzima atoa masharti kabla ya kusaini Yanga

Baada ya kukubali kusaini mkataba na Klabu ya Yanga, kiungo mchezeshaji Haruna Niyonzima sasa ametoa masharti mazito kwa viongozi wa timu hiyo ili amwage wino.

Hivi karibuni Niyonzima alisema kuwa yupo tayari kuongeza mkataba wake Yanga unaotarajiwa kumalizika mwishoni mwa msimu huu. Mpaka sasa yupo kwenye mazungumzo na viongozi wa timu hiyo.

Niyonzima, raia wa Rwanda, amesema kuwa, amewapa viongozi wa timu hiyo masharti ili aendelee kuichezea klabu hiyo na kama wasipoyatekeleza hawezi kuongeza mkataba.

Hata hivyo, kiungo huyo aliyetawala safu ya kiungo ya Yanga, amekataa kuyataja masharti hayo, akidai atakuwa tayari kulizungumzia suala hilo baada ya ligi kumalizika.

“Nipo kwenye mazungumzo na viongozi wa Yanga juu ya mkataba mpya. Bado sijasaini. Nimetoa masharti kwa viongozi hao ili nibaki. Nataka waboreshe baadhi ya mahitaji yangu yaliyoandikwa kwenye mkataba,” alisema Niyonzima.

Jokate amcheka Uwoya kupitiwa Diamond

Mwanamitindo Jokate Mwegelo ‘Kidoti’, ameangua kicheko baada ya kusikia mwigizaji Irene Uwoya kunaswa hotelini na Nasibu Abdul ‘Diamond’.

Jokate aliangua kicheko hicho juzikati jijini, Dar wakati alipozungumza na ripota wetu na alipogusiwa kuhusu suala la Uwoya kunaswa na Diamond, alicheka sana huku akimshangaa.

“Hahaha sasa ndiyo nini tena, yeye si aliwahi kunisema mimi nakwapua mabwana? Sasa leo imetokea kwake tena!” alisema Jokate.

Aliongeza: “Kumbe yale yalikuwa maneno maneno, mwisho nay eye ametoka na Diamond, kwa kweli inachekesha sana. Naona kama sinema vile.”

Machi 25, mwaka huu, Diamond na Uwoya, walinaswa kwenye hoteli moja yenye hadhi ya nyota tano, iliyopo Mbezi Beach, Dar es Salaam.

Ilielezwa kuwa Diamond na Uwoya, walilala kwenye hoteli hiyo, chumba namba 208, wakiingia saa 8:24 usiku kisha wakatoka kati ya saa 9:00 na saa 9:13 mchana.

Wastara wa Sajuki apata pigo lingine

NI pigo juu ya pigo kwa staa wa filamu za Kibongo, Wastara Juma ambaye miezi minne iliyopita alifiwa na mumewe, Juma Juma Kiwoloko na sasa amepatwa na msiba mwingine mkubwa.

Msiba huu wa sasa umemfanya Wastara kulazwa jijini Dubai baada ya kupata mshtuko kufuatia mdogo wake wa kiume, Abdulmalik  kupigwa risasi na kufariki dunia jijini Dar.

Tukio hilo la kusikitisha lilitokea usiku wa manane, kuamkia Aprili 11, mwaka huu ndani ya Ukumbi wa Lango la Jiji Magomeni Mikumi wakati Abdulmalik alipokuwa akiamua ugomvi kati ya dada yake aitwaye Hawa na shemeji yake aliyejulikana kwa jina la mzee Lyimo.

Kwa mujibu wa mdogo wa marehemu aitwaye Nuru, marehemu siku ya tukio alikuwa nyumbani kwao Magomeni Mikumi na  ilipotimu saa sita usiku alipigiwa simu na Hawa akimuomba aende kumchukua katika Ukumbi wa Lango la Jiji ili warudi nyumbani.

“Wakiwa katika ukumbi huo, muda mfupi baadaye alitokea mzee Lyimo ambaye ana uhusiano wa kimapenzi na Hawa na kuanza kumvamia na kumpiga mwanamke huyo.”

Nuru alisema kuwa kipigo hicho kiliwashtua watu wengi waliokuwa katika eneo hilo na kumfanya Abdulmalik kuingilia ili kuamua ugomvi huo na kumuokoa dada yake asiendelee kupigwa.

“Baada ya kuona hivyo, mzee Lyimo alichomoa bastola na kupiga hewani kuwatawanya watu, wakati Abdulmalik alipokuwa akiamua risasi moja ikampata tumboni,” alisema Nuru kwa masikitiko.

Nuru alidai kwamba baada ya Abdulmalik kupigwa risasi, alipatwa na kiwewe na kuanza kukimbia hadi nyumbani, kisha akajifungia ndani, baadaye akamwambia kaka yake mwingine kwamba alipigwa risasi ya tumboni na shemeji yao.

Binti huyo aliendelea kusema kwamba wakati ndugu hao wakijadiliana, mzee Lyimo alifika nyumbani hapo na kumchukua Abdulmalik kisha kumpeleka katika Hospitali ya Mikumi. Alipomfikisha, alitoweka na kumuacha kijana huyo hospitali hapo.

“Kwa kweli alikuwa katika hali mbaya, ndugu tukaamua kumpeleka Muhimbili lakini tukiwa njiani, Abdulmalik alifariki dunia,” alisema Nuru na kuanza kulia.

Dada huyo alisema kuwa madaktari wa Hospitali ya Mikumi katika uchunguzi wao walibaini kwamba risasi iliyokuwa imempata Abdulmalik ilikuwa imepanda kutoka tumboni na kufika kifuani.

“Yaani kiukweli kifo cha kaka Abdulmalik kinaumiza, ndugu hawaamini na hatujui hali ya Wastara ambaye amelazwa baada ya kupatwa na mshtuko pale tulipompa habari hizi,” alisema Nuru.

Ripota wetu alijaribu kuwasiliana na Wastara kwa njia ya simu, hata hivyo staa huyo alisema kuwa alikuwa katika hali mbaya kutokana na msiba huo na kulazwa kwa mapumziko hivyo asingeweza kuongea vizuri mpaka atakapokuwa sawa.

“Siwezi kwa kweli… naomba niache, nimelazwa kwa mapumziko…” alisema kwa sauti iliyoonesha kwamba alikuwa akilia.

Fast Jet: Hata mtu wa chini kabisa sasa anaweza kupanda ndege

Unaweza kutafuta kitu ambacho kinaweza kukufanya usisafiri na Fast Jet kwa sasa lakini ikashindikana. Hii ndiyo kampuni inayotoa huduma bora zaidi na nafuu za usafiri wa anga nchini.

Haina muda mrefu sana tangu ilipojikita kwenye ardhi ya Tanzania lakini ndani ya kipindi hicho kifupi, imeweza kuondoa ile dhana kuwa usafiri wa ndege ni kwa ajili ya watu wenye vipato vya juu.

Aprili 10, mwaka huu, mwanadishi wa makala haya, alisafiri na Fast Jet kati ya Dar es Salaam, Kilimanjaro na Zanzibar na kuzungumza na abiria 27 na kila mmoja alitoa maoni chanya, kuhusu mapinduzi makubwa yaliyofanywa katika Nyanja ya usafiri wa anga na kampuni hiyo ya ndege.

“Niliwahi kusafiri kwa ndege karibu miaka 17 iliyopita. Baada ya hapo sikuwahi kupanda ndege kabisa kwa maana niliona ni gharama kubwa ambazo sikuweza kuzimudu,” alisema Neyman Ndelijwa, 46, mkazi wa Arusha.

Neyman ambaye alikuwa kwenye ndege akitokea Uwanja wa Ndege wa Kimataifa wa Kilimanjaro (Kia), akielekea Dar es Salaam, alimweleza mwandishi wa makala haya: “Sasa naweza kupanda ndege, Fast Jet wamerahisha sana maisha ya usafiri.

“Ukiangalia bei ambayo nimelipa, haitofautiani sana na gharama za kawaida za usafiri wa mabasi. Naamini kwamba hivi sasa kila anayesafiri kwa basi, anaweza kupanda ndege na ikawa nafuu zaidi kupitia Fast Jet.”

Anachokizungumza Neyman ni kweli kabisa, kwani mapinduzi ya sasa ya Fast Jet, yanafanya usafiri wa ndege kuwa gharama nafuu mno kupita hata basi.

Mathalan; kwa usafiri wa basi kwenda Mwanza, nauli ni kati ya shilingi 45,000 mpaka 60,000. Fast Jet yenyewe inatoza nauli ya chini kabisa shilingi 43,000, yaani usafiri shilingi 32,000 na kodi shilingi 11,000, jumla shilingi 43,000.

Vilevile unapopanda Fast Jet, haikulazimu kuingia gharama za ziada kwa ajili ya matumizi ya njiani. Kati ya dakika 45 na 60, unakuwa umeshafika unapokwenda.

Unaposafiri na basi, mbali na kutumia saa nyingi njiani, vilevile itakulazimu kununua chakula kuanzia asubuhi, mchana na wakati mwingine jioni, kwani unakuwa bado hujafika. Kwa kifupi, Fast Jet ni mkombozi wa kila Mtanzania.

Hakuna sababu ya kutumia saa nyingi njiani au wakati mwingine kupitisha zaidi ya siku ukisafiri, eti kwa kukimbia gharama za kusafiri kwa ndege, wakati Fast Jet inakusafirisha kwa bei nafuu kuliko hata ile ambayo ungelipa kwa basi.

Musika Nyangabo, 41, aliyekuwa anatokea JNIA kwenda Kia, alisema: “Fast Jet ni nafuu sana. Mimi na mtoto wangu tumeweza kusafiri kwenda na kurudi, Kilimanjaro – Dar kwa shilingi 282,000. Unadhani kama ingekuwa ni kwenye makampuni mengine hali ingekuwaje? Nafurahia bei na huduma za Fast Jet.”

NI HUDUMA KAMA ULAYA

“Ni mara yangu ya kwanza kuja Tanzania, Watanzania wana kila sababu ya kujivunia Fast Jet kwa sababu ni kampuni bora sana ya ndege,” alisema Okite Obakponovwe, 37, raia wa Nigeria ambaye alizungumza na mwandishi wa makala haya, akiwa angani kutoka Kia kwenda Julius Nyerere International Airport, Dar es Salaam.

Mnigeria huyo, aliyekuwa Kilimanjaro kwa ajili ya kutalii Mlima Kilimanjaro, aliongeza: “Fast Jet ni sawa na Kampuni ya Easy Jet ya Uingereza. Kila huduma inayotolewa na Fast Jet, inaendana na Easy Jet, kwa kifupi Tanzania imepata bahati kuliko nchi nyingine yeyote Afrika.

Obakponovwe ambaye alikuwa ameongozana na mkewe, Irene Okite, aliongeza: “Gharama ni nafuu sana. Hata kule Uingereza Easy Jet ni nafuu. Mimi na mke wangu, tumefurahia huduma za Fast Jet, tumeweza kusafiri vizuri na ndege zake zina uhakika wa safari na kufika salama kwa asilimia 100.”

Abiria wengine waliozungumza na mwandishi wa makala haya ni Faraja Temu, aliyewasili Uwanja wa Ndege wa Ndege wa Kimataifa wa Abeid Karume, Zanzibar akitokea Kilimanjaro, yeye alisema: “Nafurahia huduma, Fast Jet imerahisha maisha yetu ya usafiri hata kwetu sisi wanafunzi.”

NDEGE ZA AIRBUS BORA SANA

Mhudumu wa ndege, Jasmine Kaungu, alisema: “Nilishafanya kazi kwenye makampuni tofauti ya ndege hapa nchini, ila najisikia fahari kufanya kazi na Fast Jet. Abiria wanasafiri kwa uhakika sana kutokana na ndege zetu aina ya Airbus ambazo ni bora sana.”

Mmoja wa wasimamizi wa huduma kwa wateja, Omar Chinguile, alisema: “Kikubwa kwetu ni umakini. Menejimenti yetu ipo makini kuhakikisha wateja wanapata huduma bora sana. Ripoti yoyote inayoonesha uzembe, husababisha mfanyakazi apoteze ajira.”

BOOKING YA MAPEMA NI MUHIMU

Mkuu wa Oparesheni wa Fast Jet, Kia, Robert Kessy alisema: “Nashauri abiria wawe wanajitahidi kufanya booking mapema ili wapate bei ya chini kabisa ambayo ni shilingi 43,000. Wanapochelewa ndiyo hukutana na bei za juu. Kwa kawaida bei zetu zinaanzia shilingi 43,000 mpaka shilingi 300,000.”

CAPTION:

1. Abiria wakipanda ndege ya Fast Jet, Uwanja wa Ndege wa Kimataifa wa Julius Nyerere, Dar es Salaam, wakielekea Kilimanjaro, Aprili 10, mwaka huu.

2. Abiria wakiwa ndani ya moja ya ndege za Fast Jet, iliyokuwa inatokea Dar es Salaam kwenda Kilimanjaro.

3. Okite Obakponovwe, raia wa Nigeria, akiwa ndani ya ndege ya Fast Jet, yeye alieleza kwamba huduma za Fast Jet ni bora sawa na zile za Easy Jet ya Uingereza.

4. Mkuu wa huduma za ndani ya ndege katika moja ya ndege za Fast Jet, Omar Chinguile (kushoto), akizungumza na mwanadishi wa habari na mmiliki wa Blogu ya Full Shangwe, John Bukuku, wakati wakiwa safarini kutoka Kilimanjaro kwenda Zanzibar, Aprili 10, mwaka huu.

5. Marubani wa Fast Jest, John Lewis (Kushoto) na Alex Taylor (katikati), wakiwa na mhudumu wa ndege, Jasmine Kaungu, muda mfupi kabla ya kuanza safari ya kutoka Kilimanjaro kwenda Zanzibar, Aprili 10, mwaka huu.

Bosi wa East Africa Melody afariki dunia

Mkurugenzi wa Kikundi cha Taarab cha East African Melody, Hadji Mohamed, amefariki dunia asubuhi hii baada ya kuugua kwa muda mfupi katika hospitali ya Taifa Muhimbili jijini Dar es Salaam.

Taarifa zaidi kuhusu kifo hicho, zitakuja baadaye.

Beckham adaiwa kukuza nyeti

Kiungo wa PSG, David Beckham, amedaiwa kuchoma sindano ya kukuza maulile yake nyeti ili awe mkali zaidi kunako uwanja wa faragha.

Kwa mujibu wa gazeti moja la England, Beckham ‘alibusti’ nyeti zake kwa sindano, lengo kupata mwonekano mzuri hata anapovaa nguo za ndani ya boxer.

“Kila kitu kuhusu Beckham na alichofanya kukuza ukubwa wa nyeti zake, kinajulikana,” kilisema chanzo cha habari. “Kwa kipindi hiki anavaa boxer kwa ajili matangazo, namna anavyoonekana sasa akiwa na boxer, ndivyo alitaka na sasa imekuwa.”

Inadaiwa kuwa kiungo huyo mwenye heshima kubwa England, aliwahi kushauriwa kufanya upasuaji lakini mwenyewe aligoma na akataka achomwe sindano, kitu ambacho kilifanyika.

Imebainishwa kuwa Beckham anakuwa mmoja wa wanaume wa England na Uingereza yote kwa jumla ambao wamefanya mambo mbalimbali kuhakikisha wanakuza nyeti zao.

Inazidi kuelezwa kuwa wanaume wa Uingereza, wapo radhi kutoa fedha nyingi ili wafanyiwe upasuaji au kuchomwa sindano waweze kukuzwa nyeti zao kwa imani kuwa zinawaongezea mvuto wa kimapenzi kwa wanawake.

“Itabidi uchunguzi ufanyike, ni kwa nini sasa hivi wanawake wengi wa Uingereza wawe wanataka sana maumbo makubwa ya nyeti za wanaume. Huko nyuma hakukuwa na hisia hizi, kila mmoja aliridhika na umbile lake lakini sasa ni shughuli,” alisema.

Tunamchekea gavana Bot halafu tunalia kupanda kwa nauli

Mfumuko wa bei ni janga kubwa. Tafsiri yake tu inatosha kuonesha namna ambavyo hatupaswi kuuchekea. Kama taifa, tunateseka leo kwa sababu ya kushindwa kuudhibiti. Wananchi wa chini wanaangamia.

Maana yake ni kupanda kwa gharama za maisha. Bei za vitu na huduma muhimu za kijamii zinakuwa juu. Wakati mwingine ni matokeo ya kushuka thamani ya sarafu. Ulegevu wa benki kuu au udhaifu wa wizara ya fedha na uchumi katika usimamizi wa utekelezwaji wa bajeti, kwa tafsiri iliyooka, ndiyo kitovu cha tatizo.

Wiki iliyopita, Mamlaka ya Usafiri wa Majini na Nchi Kavu (Sumatra), ilitangaza bei mpya ya nauli. Michango ya wengi, inaonesha kuwa ongezeko la gharama za usafiri siyo mwafaka, kwani ni nyundo nyingine kwa wananchi wa tabaka la chini.

Sumatra imetangaza kuwa sasa nauli zitapanda kwa asilimia 24.46 (kadiria asilimia 24.5), kwa hiyo mwananchi aliyekuwa anapanda daladala kwa shilingi 300, sasa atalipa shilingi 375 (kadiria 400). Msafiri wa kutoka mkoa mmoja kwenda mwingine, aliyelipa shilingi 40,000, sasa atatakiwa alipe shilingi 50,000.

Ni mpanga bei anayepitiwa na msemo “mwenye shibe hamkumbuki aliye na njaa” ndiye peke yake anayeweza kuona bei hizi ni rahisi. Watanzania wanateseka, kuendelea kuwapandishia gharama za maisha ni kuzidi kuwaumiza na kuwakatisha tamaa.

Mfumuko wa bei ukiendelea kuitesa nchi, ajabu ni kwamba Gavana wa Bot, Benno Ndullu bado yupo palepale. Ufanisi wake hauonekani katika kuhakisha  benki kuu kama roho ya nchi, inafanya kile kinachotakiwa kuhakikisha gharama za vitu muhimu na huduma nyeti, hazipandi.

Taarifa kwamba mfumuko wa bei umefikia asilimia 20, inatoa picha kuwa Bajeti ya Serikali ya mwaka 2012-2013, imepunguza uwezo wa kununua bidhaa na huduma kwa takribani asilimia 6. Hii ni sawa na shilingi trilioni moja kuyeyuka kabla hata mwaka mpya wa fedha haujafika.

Hali ni mbaya zaidi kwa wananchi, kwani mfumuko wa bei za vyakula umekua kwa kasi kikubwa mno. Ofisi ya Takwimu ilishaonesha kuwa mfumuko wa bei za chakula pekee umepaa kwa wastani wa asilimia 25. Upande huo kukiwa bado majanga, nauli nazo zinaongezeka.

Hata hivyo, ukiangalia kwa undani zaidi, utakuja kugundua kuwa bei za chakula zimekuwa maradufu, ukilinganisha na hali ilivyokuwa miaka miwili iliyopita. Mchele, sukari, nyama, samaki, sembe na ngano, vyote vimepanda kwa kati ya asilimia 30 mpaka 50.

Gesi ipo juu, mafuta ya taa yalishapanda kwa asilimia 71 mpaka 75 tangu miaka miwili iliyopita. Hii inasababisha wengi wakimbilie nishati ya mkaa ambayo ni hatari, ingawa nako huko ni pagumu kwa mwananchi wa kawaida, kwani umepanda kwa asilimia 30.

Mfumuko wa bei unasukuma Watanzania wengi zaidi kwenye dimbwi la umasikini, unapunguza uwezo wa serikali kutoa huduma za kijamii kupitia bajeti na hata kutimiza mipango ya miradi ya maendeleo kama miundombinu ya barabara, umeme, bomba la gesi, madaraja nk. Mkakati mahususi unatakiwa kubadili hali hii.

Kwa namna tunavyokwenda, kama tusipochukua hatua, kuna hatari ya dhahiri kwamba tunaweza kurejea mfumuko wa bei wa mwaka 1992 ambao ni asilimia 22, kadhalika tunaweza kuukaribia ule uliokuwa tishio zaidi, wa mwaka 1994, asilimia 33.

Kwa nini Ndullu anastahili lawama na kuwajibishwa kwa hili? Siku zote kuna njia mbili ambazo husimamiwa na benki kuu katika kudhibiti mfumuko wa bei. Mojawapo ni Monetary Measures, hii hugusa moja kwa moja sera kuhusu uchumi ndani ya benki kuu kwa kuweka riba kubwa dhidi ya mabenki ya kibiashara ili kuifanya serikali (hazina) kuwa na akiba nzuri.

Bot lazima isimamie sera ya riba ili kusababisha kupanda kwa gharama za kukopa dhidi ya mabenki ya kibiashara kutoka benki kuu. Matunda yake ni kupungua kwa mtiririko wa fedha kwa wananchi, hilo likifanikiwa serikali itaweza kupanga bei za bidhaa kulingana na hali za wananchi. Hivi sasa fedha zipo nje, wafanyabiashara wana hela sana, kwa hiyo inakuwa vigumu kuwadhibiti.

Mfumuko wa bei kwa tafsiri nyingine ni matokeo ya wafanyabiashara kuizidi nguvu serikali, kwa hiyo wanajipangia bei bila kupingwa. Ndullu kwa nafasi yake, anatakiwa kuhakikisha sera zinafanya kazi, serikali inakuwa na nguvu siku zote dhidi ya wafanyabiashara. Bot ikiendelea kusinzia, stori zitabaki zilezile.

Mama alipompa mwanaye huduma ya faragha usiku mzima

Mama Moses ni mwanamke wa kimjinimjini, alianza kuwajua wanaume mapema sana. Akiwa na umri wa miaka 16, alipewa ujauzito na jamaa aliyekuwa kondakta wa daladala kwa wakati huo. Hakuwa na jinsi alijifungua mtoto wa kiume, akamwita Moses.

Kwa sasa Mama Moses ana umri wa miaka 44, Moses ana miaka 28. Mtu na mwanaye wanaishi kama wazungu. Maisha yao si haba, kwani miaka 19 iliyopita, Mama Moses alimliza mzungu mmoja kiasi kikubwa cha fedha, baada ya hapo akawekeza kwenye biashara mbalimbali, ikiwemo maduka Kariakoo na akawa anafuata mizigo China.

Moses ni mtoto wa pekee, kwa hiyo maisha yake yakawa kutumbua fedha za mama yake. Alizitumia kuendesha magari makali akiwa na umri mdogo kabisa. Alihakikisha anatoa ule mkong’oto wa baba na mama kwa warembo tofautitofauti, ikiwemo wanafunzi.

Hakuishia hapo, Moses alibeba mpaka mizigo inayomzidi kimo. Alitoka kimapenzi na wanawake wenye umri kumzidi hata mama yake. “Ninapopata jimama la ukweli, lililonizidi umri nainjoi sana. Hawa watoto nimewazoea, hawanipi stimu kabisa,” Moses aliwahi kumwambia rafiki yake Slay.

Kwa upande mwingine, Mama Moses tangu afikishe umri wa miaka 40, hakutaka kabisa kushiriki mapenzi na wanaume wenye umri mkubwa zaidi yake. “Zamani nilikuwa natembea na mibaba ili nipate fedha, sasa hivi hela ninayo, nataka vijana tu wanipe raha,” hiyo ni kauli ya Mama Moses, akimwambia shosti wake Monica.

“Hivi wewe Moses huwezi kuangalia warembo wa saizi yako? Tabia gani ya kutembea na mimama mikubwa, tena mingine inaweza hata kunizaa,” Mama Moses aliwahi kumwonya mwanaye.

“Mama wewe ndiye unanikata stimu, unatoka na vijana wadogo saizi yangu, wengine hata mimi nawazidi umri,” Moses alimjibu mama yake. Pamoja na hivyo, hakuna kati yao aliyekoma.

Kuna siku moto uliwaka nyumbani kwao. Mama mtu alianza kumtuhumu mwanaye kuwa ametembea na rafiki yake Monica. “Wewe Monica si ni mama yako kabisa? yule ni rafiki yangu wa siku nyingi, wewe unajua lakini umetembea naye bila woga,” Mama Moses alimuwakia Moses ambaye naye alijibu: “Kweli mama mkuki kwa nguruwe, wewe ulifurahi sana ulipotoka na mshakaji wangu Aslay.”

Maisha yalizidi kwenda kasi, siku moja Moses akiwa klabu na marafiki zake, mara Jaca ambaye ni mshakaji wake mwingine aliingia. Walipiga stori mbalimbali lakini katikati ya mazungumzo, mmoja wa marafiki wa Moses alimuuliza Jaca ni kwa nini alichelewa klabu?

Jaca akajibu: “Leo jionijioni nilikutana na bonge la jimama, likanizimia halafu lina mawe kinoma, nikaona siyo vibaya ngoja nijiweke. Tulikula bata, tukaziua bia kama tumerogwa vile, baada ya hapo tukazama zetu chumbani kwenye hoteli moja hapo kati.

“Kabla ya kuanza mambo, machale yakanicheza. Ikabidi nimsimamie yule jimama aendelee kunywa, alewe ili nimtoroke. Alipolewa nikamkimbia zangu ndiyo maana mnaona nimechelewa. Maradhi mengi jamani, ukimwi upo.”

“Acha uzembe wewe, kwani hakuna kondomu?” Moses alimjibu Jaca. Papo hapo akaomba aelekezwe hoteli na chumba ambacho amemwacha huyo bi. mkubwa. Maelekezo yalifanyika, Moses ikabidi ajipe stimu kwa kupiga pombe za kutosha ndiyo amvae jimama aliyeogopwa na Jaca.

Baada ya kujitwika pombe za kutosha, Moses aliongozana na Jaca mpaka hotelini, wakapanda ghorofani mpaka kwenye chumba husika. Jaca aliingia kwanza kuhakikisha mazingira yapo salama, alipojiridhisha, alizima taa, halafu akatoka nje.

“Sasa wewe ukiingia ndani, anza kazi. Mama yupo hoi, usiwashe taa atakushtukia mapema,” Jaca alimpa maelezo Moses ambaye aliyapokea kisha akaingia ndani. Alipofika tu, alisoma gizani na kujua mahali kitanda kilipo na bi. mkubwa akiwa amejaa tele.

Akavua nguo harakaharaka, kisha akahamia kwa yule bi. mkubwa, akamchojoa kiwalo kimoja baada ya kingine. Alipofikia usawa wa kufuli, jimama lilijigeuza kama mzigo kisha akazungumza kwa sauti ya pombe: “Safi baby, unataka kunipa raha.”

Moses wala hakujibu, alichokifanya kwa wakati huo ni kumwandaa bi. mkubwa, tayari kwa shughuli inayofaa eneo walilopo. Jimama akawa anahangaika huku na huko, pombe zikawa zinamezwa na ule mchezo aliokuwa anafanyiwa. Mwisho mechi ikaanza.

Ilikuwa mechi yenye kila aina ya kashkashi za utamu kwa pande zote mbili. Moses alijitahidi kucheza salama, kila baada ya mchakamchaka mfupi, alichomoa daruga kuhakikisha kama kiatu kipo, kimevuka au kimepasuka. Aliporidhika kipo aliendelea kwa ari, nguvu na kasi zaidi.

Baada ya mchuano, wote walipitiwa na usingizi. Palipokucha, mwanga ukiwa umeshaingia chumbani, yaani siyo giza tena, Moses ndiye alikuwa wa kwanza kuamka. Akakumbuka matukio ya usiku uliopita, pombe zilishamwisha, akamwangalia jimama aliyepata naye raha usiku mzima.

“My God,” Moses alijikuta akitamka maneno hayo kwa mshangao. Ni maneno hayohayo ndiyo yaliyomwamsha yule bi. mkubwa ambaye mpaka wakati huo, alikuwa hana nguo hata moja.

Macho yakawatoka wote wawili, hakuna aliyethubutu kufungua kinywa kuzungumza chochote, kwani yule bi. mkubwa hakuwa mwingine, bali ni Mama Moses, kwa hiyo mama na mwana walipeana huduma ya faragha usiku mzima bila kujuana.